O novelo dos Anacos e outros exemplos Escritor/a: Raimundo (Borobó) García Dominguez

Ed. Universidade de Santiago de Compostela,
2003 | Xornalismo

Raimundo García Domínguez "Borobó" é o creador dun xénero especialmente orixinal no columnismo galego. Os seus célebre "Anacos", redactados enriba da platina, na tensión diaria que caracteriza o traballo do xornalista, constitúen de seu unha crónica continuada do acontecer, relato deslumbrante do día a día, tal que retallos de vida, que o autor detecta e ordena. Poucos profesionais do xornalismo lograron un estilo tan persoal. Os textos que recollemos neste volume son unha mostra viva do xénero, mais tamén a expresión dunha actividade que non cesa. Ensarillados nestes "novelos", os seus "anacos" configuran un discurso autónomo que é tamén, cando menos neste caso, o discurso da memoria: amigos, veciños, lembranzas de días pasados, reconstrucción dun espacio próximo e, sen embargo, non sempre coñecido, lecturas, confidencias, estampas, emocións... O lector ten nas súas mans un anaco de historia, ou mellor, unha memoria do tempo, escolmada pola lucidez vigorosa do escritor, que combina sabiamente intelixencia e humor, información e recordos, producto dunha memoria prodixiosa, descubridora e amena.
[contracapa do libro]

» Título: O novelo dos Anacos e outros exemplos
» Escritor/a:
   Raimundo (Borobó) García Dominguez

» Ed. Universidade de Santiago de Compostela,
» Ano: 2003
» Xénero: Xornalismo
» CDU: 82-92=134.4
» IBIC: DNJ - Reportaxes e colección de artigos xornalísticos
» Coleccion: Premios Roberto Blanco Torres de Xornalismo de Opi
» Pax: 312
» ISBN: 84-9750-123-3