Españois todos Escritor/a: Suso de Toro

Ed. Edicións Xerais de Galicia,
2004 | Xornalismo

Neste libro o escritor Suso de Toro, recente Premio Nacional de Narrativa 2003 por "Trece badaladas", pon as cartas sobre a mesa para reflexionar sobre temas políticos e sociais da maior actualidade. E faino desde un punto de vista persoal e como un acto cívico, con argumentacións cargadas de enerxía para volver a defender a democracia contra os que a queren desfacer desde dentro. Este libro propón unha idea de nación de cidadáns e de España totalmente distinta á dominante, construída sobre o nacionalismo “castellanista” que chegou a nós directamente desde o franquismo. Unha España europea posible, e necesaria, na que convivan cidadáns e nacións. O autor parte da convicción de que Galicia (e Cataluña e Euscadi) precisa constituírse plenamente en nación que conta con poder político para saír do atraso e solucionar os seus problemas profundos. Estes textos son parte dun combate cívico a prol da permanente utopía democrática, impregnada de memoria republicana e federalista, que permita construír un novo espazo político de convivencia.
[presentación editorial]

» Título: Españois todos
» Escritor/a:
   Suso de Toro

» Ed. Edicións Xerais de Galicia,
» Ano: 2004
» Xénero: Xornalismo
» CDU: 82-92=134.4
» IBIC: DNJ - Reportaxes e colección de artigos xornalísticos
» Coleccion: Crónica
» Pax: 160
» ISBN: 84-9782-089-4