Molière final Escritor/a: Roberto Salgueiro

Ed. Edicións Xerais de Galicia,
2003 | Teatro

"Molière final" de Roberto Salgueiro recrea a noite inmediata á morte do dramaturgo e actor francés e a situación límite na que se achan as persoas máis próximas a el. A obra, merecedora do Premio Álvaro Cunqueiro de Textos Teatrais 2002, arrinca da escena na que Armanda Béjart, a viúva de Moliére, e La Grange e Baron, amigos e actores coma seu home, discuten sobre as posibilidades de que sexa enterrado en sagrado, a pesar da prohibición existente en París de facelo cos cómicos. Fronte a eles, Lulli, o músico e posuídor dalgúns dos dereitos das obras de Molière, e Monfleury, o envexoso rival do xenial autor do "Enfermo imaxinario". Armanda estará disposta a todo pola memoria de Moliére, convencida de que merece a gloria e non o desprezo; perdida e incapaz, observa como o seu home se converte en carnaza sobre a que voraces os inimigos e amigos se lanzan na na procura dun despoxo: uns agachan agora os eloxios e outros tórnanse aínda máis crueis. Un drama onde se confronta a vida coa morte, a ambición co talento, a amizade coa inamizade, o amor co odio, a honradez coa hipocresía.
[presentación editorial]

» Título: Molière final
» Escritor/a:
   Roberto Salgueiro

» Ed. Edicións Xerais de Galicia,
» Ano: 2003
» Xénero: Teatro
» CDU: 82-2=134.4
» IBIC: DD - Obras de teatro, textos teatrais
» Coleccion: Os Libros do Centro Dramático Galego
» Pax: 64
» ISBN: 84-9782-015-0