Laio polo irmán ausente Escritor/a: Varios autores
Editores/as literarios: Xesús Alonso Montero

Ed. Galaxia,
2006 | Biográficos

En edición ao coidado do profesor Xesús Alonso Montero, Editorial Galaxia publica a correspondencia escrita arredor da enfermidade e da morte de Castelao. Un feito que fixo abalar a comunidade galeguista tanto no exilio americano coma en Galicia e que fai desenvolver unha intensa actividade epistolar da que é centro principal Ramón Otero Pedrayo. Un testemuño emocionante, de gran valor documental e literario.
Reúnese en "Laio polo irmán ausente" un epistolario que abrangue desde 1942 ata 1975 e no que participan, amais de Otero Pedrayo, persoeiros e escritores coma Manuel García Barros, Valentín Paz Andrade, Florentino López Cuevillas, Ben-Cho-Shey, Rodolfo Prada, Vicente Risco, Fernández del Riego ou Ramón Cabanillas, entre outros. Xa desde meses antes do falecemento de Castelao se producen unha constelación epistolar que ten como centro a Ramón Otero Pedrayo. Cartas valiosas e conmovedoras dirixidas a dona Virxinia, ás irmáns de Castelao, aos camaradas da diáspora a aos do exilio interior.
A través deste libro pódese reconstruír, dada a súa relevancia documental e literaria, o universo espiritual da irmandade galeguista no momento da desaparición da súa personalidade máis emblemática. Un tempo e un feito cruciais para a historia de Galicia e da cultura galega.
[Presentación editorial]

» Título: Laio polo irmán ausente
» Escritor/a:
   Varios autores
» Escritor/a:
   Xesús Alonso Montero

» Ed. Galaxia,
» Ano: 2006
» Xénero: Biográficos
» CDU: 929=134.4
» IBIC: BG - Biografía: Xeral
» Coleccion: Memoria
» Pax: 176
» ISBN: 978-84-8288-929-0