Manuel Lugrís Freire : vida e obra Escritor/a: Ramón Nicolás Rodríguez

Ed. Edicións Xerais de Galicia,
2006 | Biográficos

Manuel Lugrís Freire, vida e obra é un amplo e esclarecedor percorrido arredor da dimensión humana, biográfica, literaria e histórica da figura celebrada nas Letras Galegas 2006, coincidindo precisamente co centenario da RAG, que el cofundou e presidiu.br> Os primeiros capítulos afondan nas tres etapas da súa vida onde se desvelan, mercé a un intenso diálogo coa obra de Lugrís e exhumando algúns textos descoñecidos, as claves dunha biografía marcada pola irredutible vontade de recuperar os nosos sinais de identidade.
Ademais, o volume (que aporta interesantes novidades) contén diversos apartados que percorren o seu lado máis humano a través da lembranza dos que foron os seus amigos; a relación, nalgúns casos amigable, que mantivo cos mestres do Rexurdimento; as claves do seu pensamento político; unha análise da súa produción creativa e, finalmente, un capítulo centrado en subliñar a súa actitude como firme defensor da lingua galega.
Unha cronoloxía e unha boa bibliografía poñen o ramo a esta completa, esixente e rigorosa monografía elaborada polo profesor e crítico literario Ramón Nicolás.
[Presentación editoral]

» Título: Manuel Lugrís Freire : vida e obra
» Tradutor/a:
   Ramón Nicolás Rodríguez

» Ed. Edicións Xerais de Galicia,
» Ano: 2006
» Xénero: Biográficos
» CDU: 929=134.4
» IBIC: BG - Biografía: Xeral
» Coleccion: Letras Galegas
» Pax: 152
» ISBN: 84-9782-431-8