Don Xoán (Contado por si mesmo) Escritor/a: Peter Handke

Ed. Sotelo Blanco,
2006 | Narrativa

A figura de don Xoán aparece un día de maio nun albergue dos arredores de París. O dono do albergue, un bo cociñeiro, prestará oídos ás últimas aventuras (só ás que se refiren á última semana) vividas polo famoso personaxe literario. Non estamos, porén, diante dun don Xoán que conquista ao asalto e humilla as mulleres. Este don Xoán nin seduce nin é seducido. As mulleres ven na súa presenza unha oportunidade para liberar o seu desexo, e don Xoán ponse ao seu servizo. A narración destas aventuras non entra en detalles (e menos se son escabrosos) e tampouco “contabiliza” as mulleres como se de obxectos se tratase. Ao igual que nas demais obras de Peter Handke, a descrición, especialmente de paisaxes, aparece en primeiro plano.
Don Xoán (contado por si mesmo) tamén é unha viaxe que nos leva, a través de sete etapas, dende a cidade de Tiflis (en Xeorxia) ata París, pasando por Damasco, Ceuta ou Bergen. Cada unha das mulleres que vai coñecendo nesas etapas xorden da paisaxe como variacións dun mesmo e único episodio repetido sete veces.
[Presentación editorial]

» Título: Don Xoán (Contado por si mesmo)
» Escritor/a:
   Peter Handke

» Ed. Sotelo Blanco,
» Ano: 2006
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Medusa
» Pax: 136