O guerreiro branco Escritor/a: Joanes Urkixo

Ed. Galaxia,
2003 | Infantil-Xuvenil

Tras superar as probas de madurez, Fionn Mac Cumhail, un adolescente fillo do xefe do clan dos Biscayne, ten dereito a chamarse guerreiro e a asistir cos demais homes do seu pobo á gran xuntanza anual na que será elixido o novo rei dos irlandeses. Hai anos que o trono de Irlanda está baleiro e só a temibles espada Birgha ha determinar quen é digno de ocupar o posto do monarca desaparecido. As intrigas, as loitas internas entre os distintos clans fan prever situacións de enfrontamento que todos temen. Pero, os designios do alén poden máis ca calquera maquinación humana. Chagado o gran momento , a espada Birgha fai a súa elección e, despréndese de Lia Fail, a rocha sagrada na que está chantada desde hai anos, para ficar para ficar nas mans do sorprendido Fionn Mac Cumhail. Nin el nin ninguén imaxina nese momento que as forzas do inframundo, aguilloadas pola maldade de Luth e a ambición en límite de Gol, están a piques de entrar en acción para botar un manto de tristura e destrucción sobre a face da terra.
Escrita coa forza e o alento das vellas sagas épicas "O guerreiro branco" conecta a tradición das antigas tribos gaélicas cos ancestros do pobo vasco. Un eco de lenda, misterio, heroísmo e autenticidade percorre as febras coas que está tecida esta novela que fala do mellor e do peor que habita no ser humano desde a noite dos tempos.
Este libro obtivo o V Premio Abril de Narrativa para a Mocidade, organizado por Editores Asociados e Ámbito Cultural de El Corte Inglés.
[presentación editorial]

» Título: O guerreiro branco
» Escritor/a:
   Joanes Urkixo

» Ed. Galaxia,
» Ano: 2003
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Costa oeste
» Pax: 168
» ISBN: 84-8288-626-6