Se eu fose moi delgado Escritor/a: Antonio Mota
Ilustrador: André Letria
Tradutor/a: Ramón Nicolás Rodríguez

Ed. Kalandraka Editora,
2006 | Infantil-Xuvenil

Se eu fose moi, moi delgado podería entrar na casa polo buraco da pechadura e rir ás gargalladas ao ver os meus avós tan asustados. Podería poñer os pés enriba dos seus ombros e procurar as cousas esquecidas que hai sempre encol dos armarios.
Esta obra segue a mesma liña de "Se eu fose moi alto" -publicado tamén por KALANDRAKA- do que Mota e Letría son autores: libros para cativos que teñen na sinxeleza a súa mellor virtude. "Se eu fose moi delgado", que foi galardonado co Grande Premio Gulbekian de Literatura para nenos na modalidade de libro ilustrado, invita os lectores a adentrarse nun mundo de fantasía e fenómenos imposibles, converténdose nun estímulo idóneo para a súa imaxinación.
Por outra banda, esta obra ten un dobre significado, xa que contribúe á aceptación das diferencias entre persoas: delgados, baixos, con nariz chato ou orellas grandes... Dende o punto de vista literario, o autor preséntanos un texto con tintes poéticos no que cada frase parte dunha hipótese que se leva ata os confíns da realidade, para facernos chegar á conclusión de que a imaxinación é tan ilimitada coma o son os soños.
Texto e imaxes van a man, creando un universo idealizado, hiperbólico e cheo de humor no que prevalecen os acontecementos máis improbables fronte aos razonables, mesturados con elementos da realidade, como a familia ou a natureza.
[Presentación editorial]

» Título: Se eu fose moi delgado
» Escritor/a:
   Antonio Mota
» Ilustrador:
   André Letria
» Tradutor/a:
   Ramón Nicolás Rodríguez

» Ed. Kalandraka Editora,
» Ano: 2006
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Demademora
» Pax: 40
» ISBN: 84-8464-536-3