Valentino Escritor/a: Luisa Morandeira
Ilustrador: Renata Gallio

Ed. OQO,
2005 | Infantil-Xuvenil

Un rei poderoso, amante da caza e as armas, agarda impaciente o momento no que seu fillo ocupe o trono; pero Valentino, un príncipe bondadoso e intelixente, ten outro modo de ver o mundo e non responde ás expectativas do pai, aos estereotipos do heroe: é inimigo da caza, rexeita as armas e a idea da guerra faille tremer.
Aos ollos do rei, Valentino é un covarde; mais a súa conduta namora a unha princesa sagaz e intelixente que Ile axudará a saír con éxito das situacións desesperadas ás que se sinte arrastrado, pola necesidade de terse que enfrontar aos conflitos, como un príncipe valente e decidido. No feliz desenlace, o príncipe herdeiro acaba por converterse en heroe e abre a posibilidade de construír unha sociedade na que non se utilice a forza como recurso habitual para facer valer a razón.
Va!entino comunica simpatía ao lector. Con situacións cheas de humor e por veces absurdas, fainos entrar na psicoloxía do personaxe, conmove as sensibilidades e fai reflexionar sobre os valores supremos do corazón humano. Este conto chéganos desde Etiopía para facernos compartir unha cultura unitaria e universal.
As ilustracións de Renata Gallio complementan o sentido humorístico do texto cunha mirada cargada de dozura e sutileza, onde destaca o tratamento das texturas e o acabado preciso das imaxes.
[Presentación editorial]

» Título: Valentino
» Escritor/a:
   Luisa Morandeira
» Ilustrador:
   Renata Gallio

» Ed. OQO,
» Ano: 2005
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Colección Q
» Pax: 48
» ISBN: 84-96573-15-X