Na memoria do pobo Escritor/a: Mª Montserrat Varela Vázquez

Ed. Sotelo Blanco,
2005 | Ensaio e Investigación

"Na memoria do pobo. oficios, contos e cantigas" ofrece un conxunto de experiencias de máis de sesenta persoas, a maioría vivas, que nos falan das súas vivencias e saberes así como dos seus sentimentos e recordos. A través deles achegámonos á cultura popular do século XX. Quéreselle dar a palabra á xente do pobo, dado que compón e forma parte da historia de Galicia, porque a historia se artella coas súas vidas. A linguaxe empregada nesta obra, agás nos comentarios da autora é a propia destas persoas. Tratouse de transcribila o máis literalmente posible para achegar así unha información en canto á fala que resulta interesante. Ao longo do texto aparecen vinte e dous oficios, a maioría deles xa desaparecidos, en proceso de extinción ou de transformación. Os testemuños daquelas persoas que os levaron a cabo axudan a ver claramente a transformación sufrida pola sociedade do rural galego. Tamén se fala nesta obra das festas e das romarías, dos actos sociais e festas de familia. A miúdo todo está complementado con contos e cantigas populares. Deste xeito queda plasmada no texto non só a riqueza cultural e material, senón tamén a riqueza espiritual do pobo galego.
[Presentación editorial]

» Título: Na memoria do pobo
» Escritor/a:
   Mª Montserrat Varela Vázquez

» Ed. Sotelo Blanco,
» Ano: 2005
» Xénero: Ensaio e Investigación
» IBIC: DNF - Ensaios literarios
» Coleccion: Estudos e Investigación
» Pax: 542
» ISBN: 84-7824-468-9