Rato Tom e rata Tomasa Escritor/a: Marisa Núñez
Ilustrador: Alessandra Cimatoribus

Ed. OQO,
2005 | Infantil-Xuvenil

Rato Tom foi visitar a súa amiga Tomasa. Alegría na celebración! Veña viño e veña touciño… E Rato Tom caeu redondo do bidón. Ai, que desgraza!, berrou Tomasa. Vestiuse de loito e pechou a casa; e contoulle a súa pena á cociñeira; e a cociñeira á ola; e a ola á fonte… Ata o ceo entristeceu coa nova, mais ao final algo insólito aconteceu… e todos recuperaron a alegría. Un conto adaptado a partir da tradición brasileira, que provocará máis dunha gargallada. Cunha narración áxil, xogando coa rima e a estrutura acumulativa, Marisa Núñez nos ofrece unha orixinal versión, con humor e agudeza. Inspirada nun fatal acontecemento do conto tradicional do Brasil, "Dona Baratinha" (Dom Ratão ia se casar com dona Baratinha, e morreu cozido no feijão…), a autora toma prestada unha pequena parte da trama e desvía os acontecementos cara a un desenlace ben diferente. Entre xestos que manifestan rituais funerarios ancestrais, comúns a distintas culturas (romper olas, vestirse de loito), a natureza toma forma sensible: a fonte cala, a árbore tira o seu manto, os paxariños íspense... unha serie de acontecementos encadeados que nos levan máis alá do mundo da palabra para revelar o misterio dos afectos. Finalmente o ceo chora, derrama a enerxía vital sobre a terra e, como por arte de maxia, o que se adiviñaba como traxedia, acabará facendo florecer un sorriso en cada lector.
[Presentación editorial]

» Título: Rato Tom e rata Tomasa
» Escritor/a:
   Marisa Núñez
» Ilustrador:
   Alessandra Cimatoribus

» Ed. OQO,
» Ano: 2005
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Colección O
» Pax: 36
» ISBN: 84-934516-0-6