Xaime e as landras Escritor/a: Tim Bowley
Ilustrador: Inés Vilpi

Ed. Kalandraka Editora,
2005 | Infantil-Xuvenil

Xaime plantou unha landra, pero...
antes de que puidese medrar un esquío
desenterrouna e agachouna.
Xaime plantou unha landra,
Xermolou e agromou da terra, pero...

Así comeza unha sucesión de esceas, narradas de xeito áxil, breve e repetitivo. Unha técnica moi recorrente nos contos destinados a primeiros lectores e de grande utilidade para a súa narración oral, coa que se pretende implicar ao público infantil. O mantemento dunha estructura narrativa convértese nunha regra mnemotécnica esencial para que os nenos saiban como continúa o conto.
Porque Xaime non se dá por vencido cando a súa primeira landra non crece: planta outra pero os animais písana, rabichan os gromos da que empezaba a nacer; os cativos estragan a planta que xermolara doutra semente, os madeireiros talan a árbore que chegara a facerse alta e forte... ata que a enésima landra que plantou Xaime convérsese co paso do tempo nun carballo robusto que dá como froito...máis landras.
Historia circular, cíclica, que cando remata pode volver a empezar. Como cada carballo que bota raíces tras superar os incalculables avatares que Ile poden xurdir -dende que tan só é unha simple landra- tras o conto de Tim Bowley xacen leccións coma a perseverancia. De feito, para acadar os obxectivos que cada persona persegue, téñense que superar moitos obstáculos e non desanimarse ata acadar a meta fixada.
Trátase dunha narración sinxela e tenra, que trata sobre a vida mesma e mailas súas circunstancias... As ilustracións de Inés Vilpi, resultan un complemento ideal, aportando colorido, calidez e sensibilidade.
[Presentación editorial]

» Título: Xaime e as landras
» Escritor/a:
   Tim Bowley
» Ilustrador:
   Inés Vilpi

» Ed. Kalandraka Editora,
» Ano: 2005
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Demademora
» Pax: 48
» ISBN: 84-8464-532-0