O fracaso neoliberal na Galiza Escritor/a: Xavier Vence Deza

Ed. Edicións A NOSA TERRA,
2005 | Ensaio e Investigación

A pesares da arrogancia que lle permite toda a fanfarria de medios de adoutrinamento de masas, o neoliberalismo está fracasando e levando á ruína a aquelas sociedades que o abrazan. Á periferia, o elo máis fébel e vulnerábel, tocalle a pior parte. O segundo fracaso histórico do neoliberalismo está xa a vista de calquera que se atreva a correr o velo da propaganda. Galiza é un bon exemplo. O neoliberalismo está a converter o proceso de modernización da economía e da sociedade galegas nun calvario máis que nun ascenso na escada do benestar. O seu corolorario máis rechamante é a desfeita demográfica, o diario estado de malestar de amplas capas da poboación. A iso únese a depredación de recursos e do medio natural. Toda esa experiencia de fracaso é sometida a escrutinio neste libro: modelo económico, políticas de desregulación, privatizacións, política clientelar, concentración de empresas, paro, condicións de vida, desigualdades, destrucción do medio, etc. Unha crítica que abre paso a propostas para revirar a situación, na convicción de que urxe a mobilización activa da intelixencia e das ideas para impedir que a arrogancia simplista dos neoliberais se traduza en derrotismo e desestimento do resto da sociedade. Un libro concebido tamén como loita de ideas.
[Presentación editorial]

» Título: O fracaso neoliberal na Galiza
» Escritor/a:
   Xavier Vence Deza

» Ed. Edicións A NOSA TERRA,
» Ano: 2005
» Xénero: Ensaio e Investigación
» IBIC: DNF - Ensaios literarios
» Coleccion: Campus
» Pax: 314
» ISBN: 84-96403-51-3