O sangue dos camiños Escritor/a: Ramón Caride

Ed. Sotelo Blanco,
2003 | Narrativa

Nunha cidade descoñecida, un escritor atorméntase coa desaparición da muller amada. En Nova York, unha azafata de voo trafica con estrañas mercadorías. Le Vivier-Sur-Mer, Bretaña, outra muller terá un inesperado encontro que muda a súa vida. Os camiños dos tres personases confluirán, ou non, dun xeito impensado. Como nunha road-movie vertixinosa, "O sangue dos camiños" debulla, e transcende, os mitos do folclore actual —os medios de comunicación de masas— o mesmo que Vicente Risco actualizara, no seu día, os mitos do imaxinario tradicional. Seguindo as pegadas dunha nova Exeria, a novela de Ramón Caride combina, nunha sabia mestura, as diversas técnicas narrativas con elipses e rupturas temporais, mantendo en todo momento a tensión do lector cara á fatalidade dos desenlaces. "O sangue dos camiños" (Premio Risco de Literatura Fantástica 2003) completa a triloxía novelística de sombras e de lume, integrada tamén por Soños Eléctricos (Premio Blanco-Amor 1992) e Sarou (Premio Café Dublín 1997), culminando —e afondando— o universo literario do seu autor, un dos máis singulares das nosas letras.
[presentación editorial]

» Título: O sangue dos camiños
» Escritor/a:
   Ramón Caride

» Ed. Sotelo Blanco,
» Ano: 2003
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Medusa
» Pax: 228
» ISBN: 84-7824-429-8