Cordura ou Martelos Escritor/a: Varios autores

Ed. Casa da Xuventude de Ourense, Agrupación de Libreiros de Ourense,
2004 | Infantil-Xuvenil

"Cordura ou martelos e catro contos máis" é o título deste libro que tes nas mans, que sae orgulloso do prelo para mostrar os resultados dunha nova edición do Premio Ourense de Contos para a Mocidade, a vixésimo primeira. Hai nas súas páxinas, pois, moitas boas ideas, e moitos bos resultados, postos en papel por estes novos creadores e creadoras de universos literarios, que fan a lingua galega transitar por territorios que van desde o máis recóndito recuncho da nosa sociedade até o derradeiro dos espazos imaxinados pola fantasía. É unha nova oportunidade para o público lector de coñecer o que estes escritores que veñen abríndose paso con forza teñen que dicir, e para gozar cuns textos ateigados de emocións, ilusións e ganas de contar novas cousas. Os organizadores deste concurso damos os nosos parabéns a todos os premiados, e animamos a seguir adiante a todos os que non o puideron ser. Un ano máis, podemos amosar a nosa satisfacción polo resultado, que, coma sempre, non é máis que unha parte -a decidida polo xurado- da cantidade de obras interesantes presentadas; unha satisfacción producida por sabermos que en futuras edicións seguirá habendo calidade abondo que garanta unha longa vida para a nosa literatura.
[Limiar do libro]

» Título: Cordura ou Martelos
» Escritor/a:
   Varios autores

» Ed. Casa da Xuventude de Ourense, Agrupación de Libreiros de Ourense,
» Ano: 2004
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Pax: 92
» ISBN: 84-453-3944-3