Galicia en cen prodixios Escritor/a: Henrique Alvarellos Casas

Ed. Edicións Xerais de Galicia,
2004 | Xornalismo

O xornalista Henrique Alvarellos Casas recolle neste volume cen prodixios de Galicia, cen singularidades, autoorgullos, descubrimentos, feitos históricos sobranceiros, manifestacións culturais ou monumentos naturais nos que destaca o noso país, algunhas veces xa dende o tempo anterior aos romanos.

Unha das mellores citanias celtas, a maior concentración de petroglifos de Europa, a aldea prerromana mellor conservada do continente, a única muralla completa do imperio romano, o faro en funcionamento máis antigo do mundo, a comarca europea con maior concentración de templos e mosteiros románicos, a ruta cultural e turística máis antiga de Europa, o primeiro parque temático de Occidente, o acantilado máis alto do Atlántico norte, os mellores bosques de teixos e loureiros de Europa, os eucaliptos e castiñeiros máis altos do continente, os bosques de acivros máis extensos da península, a cidade onde máis horas chove de España, o arado máis longo do mundo, a siderurxia integral máis antiga de España, as casa máis estreitas de Europa, a cidade europea que máis medrou no século XX, o invento universal do futbolín, a primeira flota de baixura de España, o récord do mundo en control dun balón de fútbol…

Un libro para coñecer e gozar da Galicia máis excepcional, para preservala, para coidala. Un libro para encherse dalgunhas das grandezas que posúe este país, unha beira atlántica no centro do mundo.
[Presentación editorial]

» Título: Galicia en cen prodixios
» Escritor/a:
   Henrique Alvarellos Casas

» Ed. Edicións Xerais de Galicia,
» Ano: 2004
» Xénero: Xornalismo
» CDU: 82-92=134.4
» IBIC: DNJ - Reportaxes e colección de artigos xornalísticos
» Coleccion: Edicións singulares
» Pax: 224
» ISBN: 84-9782-207-2