As voces da auga Escritor/a: Ánxela Gracián

Ed. Baía Edicións,
2018 | Infantil-Xuvenil

Gañadora ex aequo do VIII Premio Meiga Moira de Literatura Infantil e Xuvenil (2018). As voces da auga destaca pola calidade de lingua empregada, a orixinalidade da proposta e o intenso labor de recreación dunha sociedade xeográfica e culturalmente tan distante como a chinesa. As voces da auga relata unha historia de supervivencia e de aposta pola vida nun contexto histórico especialmente complexo, máis alá dos convencionalismos. Neses instantes, no interior do río, Li sentíase tan transparente coma o cristal. Entón, como polas noites antes de adormecer, podía escoitar de novo con nitidez as voces da auga, como unha chamada que non a enxordecía coa súa cantilena monótona de ave de paso, senón que lle infundía esa forza descoñecida das ondas que galopaban, propiciando que ela tamén formase parte dese mundo líquido e poderoso que, alí no fondo do val, se arrastraba lento coma unha búfala preñada, porque era alí, precisamente naqueles remansos, onde a voz do río berraba arrastrando consigo tamén a fondura dos cavorcos da terra. [Presentación editorial]

» Título: As voces da auga
» Tradutor/a:
   Ánxela Gracián

» Ed. Baía Edicións,
» Ano: 2018
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Meiga Moira
» Pax: 184
» ISBN: 978-84-9995-300-7