Cando cae a luz Escritor/a: María Canosa

Ed. Urco Editora,
2016 | Narrativa

"Moitas veces ouvín dicir que os lobos non atacan as persoas. E isto non é certo", así dicía Ánxel Fole. Claro que, arredor dunha lareira, coas tebras da noite caendo sobre as costas, as lapas bailando na negrura e debuxando monstros na cara, as palabras dos relatos podían vestir de negro os pensamentos máis agochados. Naquela escena resultaba máis críbel e aterrador.
Noites de inverno nas que as palabras, o caldo e o viño quecían máis que o propio lume. Traballar pola fresca da mañá e xuntarse para falar ao cabo do día eran os fitos que marcaban o calendario. Falar. Comunicar. Transmitir. Compartir.
Os radiadores, a calefacción, quentaron os corpos e arrefriaron os corazóns.
Claro que os lobos seguen a existir. Non son tan doados de ver. Ocúltanse no monte e baixan silandeiros, en forma de sombras, ruídos, bicos traizoeiros, treboadas, badaladas…
[Presentación editorial]

» Título: Cando cae a luz
» Escritor/a:
   María Canosa

» Ed. Urco Editora,
» Ano: 2016
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Alcaián
» Pax: 121
» ISBN: 978-84-15699-97-2