Cuestións vitais secretas Escritor/a: Iván García Campos

Ed. Galaxia,
2016 | Narrativa

Sobre os segredos xa está todo dito, o importante é descubrir o modo no que as aparencias aínda revelan o que permanece oculto.
Os relatos de Iván García Campos introdúcense no interior das vidas correntes para axudar a quen le a desvelar o inminente: aquilo que sempre está a piques de acontecer e parece que endexamais chegará a realizarse. Coa precisión dun ebanista, o autor ensambla emocións, xestos e desexos; pescuda nos feitos, observa o comportamento, narra os pormenores para debuxar o contorno do que nunca se conta, para asediar o destino que os segredos marcan. Velaí a razón de que as cousas que permanecen sen ver a luz exerzan tanta atracción, o motivo polo que acaban subxugando a quen as experimenta.
[Presentación editorial]

» Título: Cuestións vitais secretas
» Escritor/a:
   Iván García Campos

» Ed. Galaxia,
» Ano: 2016
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Literaria
» Pax: 180
» ISBN: 978-84-9865-607-7