Mago Rosa Escritor/a: Txabi Arnal
Ilustrador: Rashin Kheiriyeh
Tradutor/a: Paco Liván

Ed. OQO,
2013 | Infantil-Xuvenil

Por fin, os seus esforzos tiñan recompensa: Mago Rosa conseguira facer unha bolsa de coiro que tragaba todo. Abondaba con dicir: OEMOC! (unha palabra que, dada a volta, deixa de ser máxica)
Logo de moitos experimentos, este mago monocromático atopa unha fórmula para satisfacer a súa ilimitada avaricia e maldade gratuíta, que non tarda en aplicar ao Mago Amarelo, porque non lle caía nada ben, aínda que sen saber por que. A partir de aí empeza a encher a súa bolsa á orde de Oemoc! (Cómeo!, ao revés). Con este obxecto máxico, acode ao mercado e á xastrería, arramplando con todo. Ata fai seu o palacio máis luxoso da rexión e ata o Banco, con banqueros, clientes, cartos e todo. No entanto, o seu periplo de cobiza incontrolable vese interrompido cando se atopa cunha bondadosa e xenerosa maceira, que non dubida en enfrontarse a el e á súa bolsa de coiro para protexer a un indefenso paxariño: —Non hai cousa que se me resiste! -gritou o mago, fóra de si. Pero, a saber por que razón, a maxia non funcionaba con aquel paxaro. Este conto demostra que non hai inimigo pequeno. Así, unha simple árbore e un ave diminuta son capaces de enervar a un mago e ata anular os seus poderes, no caso do pequeno paxaro.
[Presentación editorial]

» Título: Mago Rosa
» Escritor/a:
   Txabi Arnal
» Ilustrador:
   Rashin Kheiriyeh
» Escritor/a:
   Paco Liván

» Ed. OQO,
» Ano: 2013
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Colección O
» Pax: 36
» ISBN: 978-84-9871-446-3