O carpín suicida Escritor/a: Mariasun Landa
Tradutor/a: Ignacio Chao
Ilustrador: Federico Delicado

Ed. Edicións Xerais de Galicia,
2004 | Infantil-Xuvenil

Augusto, un vello carpín que leva unha vida tranquila nun dos pés do carteiro Plinio, guíndase á rúa dende un cuarto piso para ver o mundo. E malia que toma esa decisión de converterse nun carpín suicida, cando lle saíu o primeiro burato na punta e logo de reflexionar fondamente, non sabe, en realidade, que a aventura de sobrevivir resulta difícil e perigosa. Mais é un carpín con sorte, e no camiño aprenderá, e descubrirá as cousas boas que a vida pode ofrecer.

Mariasun Landa, recente premio Nacional de Literatura Infantil 2003, ofrece neste volume unha historia protagonizada por personaxes fantásticos que se desenvolven nun marco realista. O vello carpín, un trapo anodino, case invisible de tan cotiá, representa un personaxe inconformista, que elixe o risco antes cá seguridade. As reflexións deste carpín, a súa forma de entender a vida, os valores que vehicula, o seu carácter solitario, idealista, romántico, pero arriscado e tenaz, permite a descuberta do mundo dende abaixo arriba. As ilustracións de Federico Delicado que humanizan ao vello carpín interpretan o valor simbólico desta traxedia non exenta de esperanza.
[presentación editorial]

» Título: O carpín suicida
» Escritor/a:
   Mariasun Landa
» Tradutor/a:
   Ignacio Chao
» Ilustrador:
   Federico Delicado

» Ed. Edicións Xerais de Galicia,
» Ano: 2004
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Sopa de Libros
» Pax: 96
» ISBN: 84-9782-137-8