Un chapeu negro e un nariz de pallaso Escritor/a: Gonzalo Enríquez Veloso
Escritor/a: Montse Pena Presas

Ed. Galaxia,
2013 | Biográficos

Tras os pasos de Roberto Vidal Bolaño É un libro-DVD con dúas realidades e un único obxectivo. A primeira realidade está na pantalla, da man do interesante documental de Gonzalo Veloso; onde a familia, os amigos, os compañeiros de profesión e as investigadoras miran baixo o chapeu negro para relatar quen era en realidade Roberto Vidal Bolaño, amosando unha singular visión que, sen dúbida, axudará a comprender mellor a súa obra. A segunda realidade está no libro, no texto escrito por Montse Pena Presas, que tenta desvelar que hai detrás do nariz de pallaso, achegando dun xeito lúdico e rigoroso as características principais da produción do dramaturgo, sen esquecer o director de escena. Imaxe e palabra fúndense para conseguir que calquera lectora, calquera espectador, remate o DVD e peche o volume pensando, unicamente, en mergullarse nas pezas dramáticas de Roberto Vidal Bolaño. Dende o patio de butacas ou a través dun libro. Porque o teatro achega, tamén, esas dúas máxicas posibilidades.
[Presentacion editorial]

» Título: Un chapeu negro e un nariz de pallaso
» Escritor/a:
   Gonzalo Enríquez Veloso
» Escritor/a:
   Montse Pena Presas

» Ed. Galaxia,
» Ano: 2013
» Xénero: Biográficos
» CDU: 929=134.4
» IBIC: BG - Biografía: Xeral
» Pax: 76
» ISBN: 978-84-9865-480-6