A cousa no limiar Escritor/a: H.P. Lovecraft
Tradutor/a: Tomás González Ahola

Ed. Urco Editora,
2012 | Narrativa

Con este volume remata o primeiro ciclo da biblioteca Lovecraft, dedicado aos «Mitos de Cthulhu», aínda que a colección continuará en vindeiros títulos cos contos do ciclo do soño e as historias macabras.
Presentamos aquí dúas obras da madurez do solitario de Providence. A primeira delas, o relato A cousa no limiar, centra a súa atención arredor dun protagonista atormentado cuxo corpo é posuído por un espírito maligno que desexa acabar coa realidade que coñecemos. A segunda, a novela breve A sombra fóra do tempo, versa sobre unha antiga raza extraterrestre que poboou a Terra hai millóns de anos, capaz de proxectar as súas mentes a través do espazo-tempo para así vivir eternamente e atesourar a sabedoría de todo o universo. Ambas as dúas historias son perfectos representantes das dúas liñas fundamentais dos Mitos: Por unha banda a existencia de persoas malignas no noso contorno que desexan abrir as portas da nosa realidade a entidades doutros planos dimensionais, e pola outra a constatación dun pasado do noso planeta distinto ao que tradicionalmente coñecemos pola ciencia, poboado de razas intelixentes e avanzadas procedentes doutros astros cuxa existencia pasada ten ou pode ter consecuencias no presente.
[Presentación editorial]

» Título: A cousa no limiar
» Escritor/a:
   H.P. Lovecraft
» Tradutor/a:
   Tomás González Ahola

» Ed. Urco Editora,
» Ano: 2012
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Gótica
» Pax: 190
» ISBN: 978-84-937142-0-2