Diona Escritor/a: Juan Senís
Ilustrador: Oscar Sabini

Ed. OQO,
2013 | Infantil-Xuvenil

Co álbum Diona, OQO editora amplía a súa colección Qontextos e dá mostras, unha vez máis, do seu compromiso con temas sociais pouco habituais na literatura infantil. Neste caso, aborda un trastorno do comportamento, a síndrome de Dióxenes, que padece un 3% da poboación maior de 65 anos. Esta alteración psiquiátrica afecta, polo xeral, a persoas de avanzada idade que viven soas. Caracterízase polo abandono persoal e social, así como polo illamento voluntario no propio fogar e a acumulación de grandes cantidades de obxectos, lixo e desperdicios domésticos. Un dos factores máis importantes no crecemento do número de casos, é o progresivo aumento de anciáns que viven sos. Juan Senís aclara que a historia non naceu co único propósito de alertar sobre esta síndrome, senón que, en realidade, a enfermidade foi unha escusa para falar do tema máis importante do álbum: a inocencia. Ou, dito doutro xeito, “a forma en que os nenos poden contemplar cunha mirada limpa, e libre de condena, certas condutas que os adultos catalogan como anómalas”. O pequeno protagonista é capaz de tomarse dun xeito lúdico e festivo o costume de Diona de encher a súa casa de cousas, sen sospeitar que este comportamento é síntoma dunha enfermidade mental.
[Presentación editorial]

» Título: Diona
» Escritor/a:
   Juan Senís
» Ilustrador:
   Oscar Sabini

» Ed. OQO,
» Ano: 2013
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Colección Qontextos
» Pax: 40
» ISBN: 978-84-9871-424-1