O código Da Vinci Tradutor/a: Carlos Acevedo Díaz
Tradutor/a: Fernando Moreiras Corral
Tradutor/a: Eva Almazán García
Escritor/a: Dan Brown

Ed. El Aleph Editores,
2004 | Narrativa

Robert Langdon, profesor de Harvard de viaxe académica en París, recibe unha chamada urxente en plena noite: o ancián conservador do Louvre, Jacques Saunière, acaba de ser brutalmente asasinado no interior do museo. A carón do cadáver a policía encontra unha serie de desconcertantes símbolos. Conforme Langdon e a recoñecida criptóloga francesa Sophie Neveu empezan a resolver os estraños enigmas, descobren con abraio que o fío con que deron conduce ás obras de Leonardo da Vinci... e insinúa a resposta a un misterio que se afunde nas profundidades da historia.
Langdon sospeita que o conservador asasinado estaba relacionado co Priorado de Sión, unha sociedade secreta cuxa orixe se remonta a varios séculos, e que morreu sacrificando a vida para protexer o segredo máis celosamente custodiado do Priorado: o paradoiro dunha importantísima reliquia que leva oculta centos de anos. Mais parece que o Opus Dei, a seita que desde tempos inmemoriais leva conspirando para se facer co segredo do Priorado, tamén moveu ficha. Se Langdon e Neveu non dan descifrado o arcano código para completar sen demora o crebacabezas que teñen ante si, o segredo do Priorado —e con el unha verdade histórica de consecuencias demoledoras— perderase para sempre...
Rompendo o molde da novela de suspense tradicional, O Código Da Vinci combina un ritmo vivo, unha prosa intelixente e unha intricada trama en que se entrecruzan os fíos da investigación e o detalle histórico. Desde as primeiras páxinas ata a impredicible e abraiante conclusión, Dan Brown demostra ser todo un mestre da narrativa.
[contracapa do libro]

» Título: O código Da Vinci
» Tradutor/a:
   Carlos Acevedo Díaz
» Tradutor/a:
   Fernando Moreiras Corral
» Tradutor/a:
   Eva Almazán García
» Escritor/a:
   Dan Brown

» Ed. El Aleph Editores,
» Ano: 2004
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Narrativa
» Pax: 496
» ISBN: 84-7669-653-1