O pórtico poético dos Seis poemas galegos de F. García Lorca Escritor/a: Luís Pérez Rodríguez

Ed. Consello da Cultura Galega,
2011 | Ensaio e Investigación

O Pórtico poético dos Seis poemas galegos achégase ao lector nunha nova edición con leves retoques, pero cos mesmos propósitos de sempre:honrar a memoria do poeta granadino e do editor dos poemas e, con eles, a de todos os inmolados na incivil guerra española de 1936, co propósito de manter viva a memoria histórica da barbarie para que algo así non volva suceder.
A través do discurso blancoamoriano, vaise reconstruíndo unha historia verosímil do nacemento e escritura dos Seis poemas galegos. Os poemas naceron maxicamente no encontro de Federico García Lorca con Galicia e cos seus amigos galegos, entre os que sobresaen dous de especial protagonismo neste libro: Ernesto Pérez Güerra e Eduardo Blanco-Amor.
O prólogo de Carlos Martínez-Barbeito, amigo íntimo tamén do poeta granadino, proxecta luz sobre este pórtico poético e pon novos puntos e pon novos puntais para unha lectura renovada dos Seis poemas galegos.
O CD coa música dos poemas, composta expresamente polo mestre Isidro B. Maiztegui por pedimento do autor deste libro, ponlle unha coroa musical a tan fermosos poemas.
[Contracapa do libro]

» Título: O pórtico poético dos Seis poemas galegos de F. García Lorca
» Escritor/a:
   Luís Pérez Rodríguez

» Ed. Consello da Cultura Galega,
» Ano: 2011
» Xénero: Ensaio e Investigación
» IBIC: DNF - Ensaios literarios
» Coleccion: autores & textos
» Pax: 406
» ISBN: 978-84-92923-26-7