Xoaquín Lorenzo Fernández “Xocas”. A fidelidade á Galicia soñada Escritor/a: Afonso Vázquez-Monxardín

Ed. Ir Indo Edicións,
2004 | Biográficos

Ir Indo Edicións únese á celebración do Día das Letras Galegas coa publicación de "Xoaquín Lorenzo Fernández “Xocas”: a fidelidade á Galicia soñada", de Afonso Vázquez-Moxardín, unha biografía ó redor do persoeiro homenaxeado este ano en recoñecemento ás súas achegas á cultura galega.
Con esta biografía, de doado acceso para estudiantes e público en xeral e que inclúe unha cronoloxía, Ir Indo pretende achegarnos á de Xoaquín Lorenzo Fernández (Ourense 1907- Lobeira 1989), un dos etnógrafos máis importantes do seu tempo e autor de traballos fundamentais á hora de sentar as bases do estudio da cultura tradicional galega.
Discípulo e “gardián da memoria” de todo un grupo de intelectuais comprometidos ó redor do pensamento galeguista, foi unha das personalidades máis completas e íntegras de Galicia. Antropólogo, mestre, debuxante e fotógrafo, foi ante todo un investigador humilde que dedicou toda a súa vida ó espallamento e conservación da cultura galega, un traballo que culminou coa creación do Museo do Pobo Galego.
[presentación editorial]

» Título: Xoaquín Lorenzo Fernández “Xocas”. A fidelidade á Galicia soñada
» Escritor/a:
   Afonso Vázquez-Monxardín

» Ed. Ir Indo Edicións,
» Ano: 2004
» Xénero: Biográficos
» CDU: 929=134.4
» IBIC: BG - Biografía: Xeral
» Coleccion: Galegos na Historia
» Pax: 64
» ISBN: 84-7680-499-7