Artur e Clementina Tradutor/a: Eva Almazán García
Escritor/a: Adela Turín
Ilustrador: Nella Bosnia

Ed. Kalandraka Editora,
2012 | Infantil-Xuvenil

Hai máis de trinta anos, Adela Turín comezou a publicar en Italia a colección «Dalla parte delle bambine», que ao pouco tempo foi editada en España por Esther Tusquets, co título «A favor de las niñas». Converteuse nunha serie de referencia para a coeducación e a igualdade, e foi traducida a varias linguas. A pesar do tempo transcorrido, na actualidade estes libros teñen plena vixencia e seguen sendo necesarios. O afecto e a ilusión que caracterizan o inicio da relación entre Artur e Clementina, acaban converténdose en monotonía e prisión. Clementina non se sinte realizada, libre e feliz; a súa parella subestima as súas cualidades e ridiculiza as súas aspiracións. En vez de ofrecerlle comprensión e respecto, a actitude de Artur anula a súa personalidade e xenéralle unha dinámica de dependencia, ao sobrecargala de obxectos materiais que non satisfán a súa ansia de desenvolvemento persoal. Unha historia fabulada que -como “Rosa Caramelo” e outros títulos da publicación- pretende reivindicar o rol feminino na sociedade, erradicar os estereotipos sexistas e a discriminación, para cambiar mentalidades e construír un mundo mellor.
[Presentación editorial]

» Título: Artur e Clementina
» Tradutor/a:
   Eva Almazán García
» Escritor/a:
   Adela Turín
» Ilustrador:
   Nella Bosnia

» Ed. Kalandraka Editora,
» Ano: 2012
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Adela Turín
» Pax: 40
» ISBN: 978-84-8464-785-0