Os ángulos da brasa Escritor/a: Manuel Álvarez Torneiro

Ed. Faktoría K de libros,
2012 | Poesía

...Hoxe limpo o poema.
Renovo unha emoción.
Bótome ao monte
de beleza nova...

(Fragmento de “Hoxe”)

“Os ángulos da brasa” é unha nova estación no percorrido pola memoria emprendido por Manuel Álvarez Torneiro dende os seus versos iniciais; o seu reencontro cos lectores despois de “Parábola do incrédulo” (2006). Perduran intactas, en rara coherencia íntima, a fe na robustez da beleza e no poder da palabra; finalmente, as mellores armas do poeta na súa teimuda batalla «contra o mundo e a favor da vida».
Dividida en tres partes -‘Trama de vida’, ‘Terreal e sagrado’, e ‘Tapiz de cinsa’- este poemario presenta 67 composicións poéticas que botan unha ollada reflexiva sobre a cotidianeidade, que comparten emocións íntimas e xogan coa dimensión simbólica da palabra.
[Presentación editorial]

» Título: Os ángulos da brasa
» Escritor/a:
   Manuel Álvarez Torneiro

» Ed. Faktoría K de libros,
» Ano: 2012
» Xénero: Poesía
» CDU: 82-1=134.4
» IBIC: DC - Poesía
» Coleccion: Tambo
» Pax: 112
» ISBN: 978-84-15250-36-4