Inventario ilustrado de animais Tradutor/a: Fernando Moreiras Corral
Escritor/a: Virginie Aladjidi
Ilustrador: Emmanuelle Tchoukriel

Ed. Kalandraka Editora,
2012 | Infantil-Xuvenil

...Determinadas especies, como o tigre ou o chimpancé, xa comezan a escasear; outras, como o rinoceronte negro, a foca monxe ou a tartaruga de coiro, volvéronse moi escasas; e outras, como o órix, xa non se dan en estado salvaxe. Esperamos que esta obra impulse a protexelos e, de forma xeral, fomente a curiosidade e o respecto cara a estes animais tan fermosos...

“Inventario ilustrado de animais” reúne sobre un cento de exemplares de fauna representativa de todo o mundo, tanto vertebrados -mamíferos, aves, peixes, anfibios, réptiles como invertebrados, que con más de 60 clases, representan o 95% das especies animais. De cada un indícase o seu nome científico e común, e engádese unha descrición que acompaña a ilustración, naturalista e coloreada con acuarela.
Os animais clasifícanse xeograficamente: bosques tropicais, zonas desérticas, sabanas, montañas e bosques temperados, rexións polares, océanos, costas e ribeiras, zonas habitadas e granxas. Dende o tucán á vaca, pasando polo dromedario, o leopardo, o lobo gris, a píntega, o oso polar, o golfiño, a libélula ou o pavo real, este libro é un interesante catálogo darwiniano, para contribuír ao coñecemento do medio natural e, por tanto, á súa conservación.
[Presentación editorial]

» Título: Inventario ilustrado de animais
» Tradutor/a:
   Fernando Moreiras Corral
» Escritor/a:
   Virginie Aladjidi
» Ilustrador:
   Emmanuelle Tchoukriel

» Ed. Kalandraka Editora,
» Ano: 2012
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Pax: 80
» ISBN: 978-84-15250-34-0