Un can e un gato Escritor/a: Paula Carbonell Penichet
Ilustrador: Chené Gómez

Ed. OQO,
2013 | Infantil-Xuvenil

Un can e un gato coñecéronse. O gato dixo: Miau! O can dixo: Guau! Pero non se entenderon. Dous animais atópanse, xogan, enfádanse, sepáranse, bótanse de menos… e volven xogar.

Na idade infantil é moi común vivir conflitos entre amigos e frustracións derivadas das relacións. Do mesmo xeito que sucede co can e o gato, as emocións van acompañadas de reaccións e expresións do corpo: alteracións na circulación, cambios respiratorios, secrecións glandulares, mudanzas de humor…
Os cambios impostos polo desenvolvemento da personalidade, o crecemento, a socialización e a conquista de espazos de independencia son factores que desestabilizan e dan lugar a enfados e comportamentos negativos; de aí a importancia de buscar mecanismos para controlar a situación, esquecer o mal humor e fomentar a alegría, o autocontrol e o benestar.
Esta sinxela historia da relación entre un can e un gato axuda a proxectar situacións conflitivas na mente dos nenos e a comparalas, consciente ou inconscientemente, con outras experiencias emocionais. Igual que nesta historia, a ledicia e a aceptación dos outros fannos sentir agarimo e converten o mal humor en optimismo.
Unha proposta orixinal pola súa intención estética, para gozar e emocionarse a partir dos tres anos.
[presentación editorial]

» Título: Un can e un gato
» Escritor/a:
   Paula Carbonell Penichet
» Ilustrador:
   Chené Gómez

» Ed. OQO,
» Ano: 2013
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Colección O
» Pax: 38
» ISBN: 978-84-9871-361-9