A obra dramática de Roberto Vidal Bolaño Escritor/a: Xosé Manuel Fernández Castro

Ed. Xunta de Galicia, Edicións Laiovento,
2011 | Ensaio e Investigación

A obra dramática de Roberto Vidal Bolaño é o relato da carismática procura dunha poética teatral propia. O libro traduce en termos divulgativos unha complexa aventura artística seguindo o rastro dun creador xenial que ilumina os vinte e cinco anos finais do segundo milenio. Neste alambique destílase un insólito fenómeno cultural colectivo, metonimia da vitalidade dun ambiente social ben próximo aínda que xa admite unha visión histórica. O volume iníciase reivindicando o valor do autor e reconstruíndo a súa carreira para logo catalogar e clasificar as súas obras, avanzando unha lectura temática dos proxectos en que empeñou a vida. A proposta remata esgotando a análise dun proxecto, a primeira superprodución plenamente galega, Agasallo de sombras. Deste modo supérase o perfil externo e penétrase no obradoiro creativo do autor mediante a reconstrución virtual dos procesos de creación e explotación escénica e a análise dos textos desde dous focos complementarios, o dramatolóxico e o teórico-crítico.
[Presentación editorial]

» Título: A obra dramática de Roberto Vidal Bolaño
» Escritor/a:
   Xosé Manuel Fernández Castro

» Ed. Xunta de Galicia, Edicións Laiovento,
» Ano: 2011
» Xénero: Ensaio e Investigación
» IBIC: DNF - Ensaios literarios
» Pax: 591
» ISBN: 84-8487-207-8