O meu avó Carmelo Escritor/a: Dani Torrent
Ilustrador: Dani Torrent
Tradutor/a: Manuela Rodríguez

Ed. Kalandraka Editora,
2011 | Infantil-Xuvenil

O meu avó Carmelo tiña un xardín. Cando eu era pequeno pasaba alí as tardes placidamente. No solpor, o meu avó contábame historias de terras afastadas, de lugares onde viaxaban as andoriñas ao acabar o verán. –As andoriñas viaxan tanto, que xa aprenderon a linguaxe das nubes –dicía o avó.

A figura do avó -cofre de historias remotas, gardián da memoria- soe deixar unha pegada indeleble. Dani Torrent réndelle unha homenaxe literaria e artística a un dos seus referentes vitais, co eco sentimental dos veráns de antano e das andoriñas, portadoras de chuvia e de noticias. Por iso abundan neste álbum os elementos gráficos relacionados co correo aéreo -como selos postais e garabatos manuscritos- que se integran con harmonía na ilustración.
“O meu avó Carmelo” é un relato que transmite nostalxia do pasado, cunha linguaxe evocadora, metafórica e sutil; que aborda con delicadeza o paso do tempo, a transición da nenez á etapa adulta, e a ausencia inevitable dun ser querido que permanece no recordo.
Dani Torrent combina a figura estilizada de paxaros, gatos e cabaliños do demo, coas redondeces da representación humana; altera as proporcións e introduce distintas perspectivas para darlles dinamismo ás imaxes, feitas a lapis, sombreadas e coloreadas con tons suaves e efectos antigos. Destacan en especial, pola súa beleza e simbolismo, as metáforas visuais.
[Presentación editorial]

» Título: O meu avó Carmelo
» Ilustrador:
   Dani Torrent
» Ilustrador:
   Dani Torrent
» Tradutor/a:
   Manuela Rodríguez

» Ed. Kalandraka Editora,
» Ano: 2011
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Maremar
» Pax: 32
» ISBN: 978-84-8464-767-6