O señor Don Nicanor Ilustrador: Flavio Morais
Escritor/a: Ana Fernández-Abascal

Ed. Faktoría K de libros,
2011 | Infantil-Xuvenil

Tanto polo material e a feitura do libro, cartón cos cantos redondeados, como polo seu contido, un texto rimado, sinxelo, estruturado de forma circular e con historias encadeadas, “O señor Don Nicanor” podería parecer un álbum ilustrado para primeiros lectores. En cambio, é un libro que comprace o afán lector a calquera idade e está chamado a ocupar un lugar importante na biblioteca, xunto ás obras de referencia.
Ana Fernández-Abascal enlaza a tres personaxes como protagonistas dun conto que cada un vai lendo sucesivamente, cunha fórmula que se vai repetindo a modo de retrouso. Os tres acoden a un libro para satisfacer a dose de emoción, entretemento, ou aprendizaxe que non lles proporciona a televisión. “O señor Don Nicanor” contrapón así o valor da lectura fronte á hexemonía dos medios audiovisuais e as novas tecnoloxías.
As ilustracións de Flavio Morais son planas, esquemáticas, de cores intensas que producen chamativos contrastes. A proposta artística é moderna e moi atractiva, xoga coa alternancia de cores predominantes en cada páxina e introduce figuras baseadas na cultura iconográfica, logrando un resultado de estética “pop”.
[Presentación editorial]

» Título: O señor Don Nicanor
» Ilustrador:
   Flavio Morais
» Escritor/a:
   Ana Fernández-Abascal

» Ed. Faktoría K de libros,
» Ano: 2011
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Caixón Infantil
» Pax: 16
» ISBN: 978-84-15250-09-8