A modelo descalza Escritor/a: Jordi Sierra i Fabra
Tradutor/a: Ramón Nicolás Rodríguez

Ed. Galaxia,
2011 | Infantil-Xuvenil

Nesta obra de Jordi Sierra i Fabra, o autor que máis libros vende no conxunto do estado no ámbito da literatura infantil e xuvenil, abórdanse unha serie de cuestións esenciais como motivo de reflexión na idade adolescente como son a tiranía da imaxe perfecta, os transtornos alimentarios consecuentes… pero tamén o desamor e as dificultades asociadas ao corazón humano no terreo sentimental. O libro é tamén un texto de denuncia das mafias que operan polo mundo adiante traficando con seres humanos, en especial dende o terceiro mundo.
O autor achégase á cuestión dende un formato de novela policial, de tal maneira que a historia, envolvida en intriga, déixase ler moi facilmente. A acción viaxa por África e España, protagonizada por un xornalista que ve na televisión como unha antiga moza, agora supermodelo, está acusada do asasinato do seu actual noivo. Baixo destes parámetros, revísase todo o mundo corrupto que ás veces se agocha debaixo dun suposto universo de glamour e excelencia.
[Presentación editorial]

» Título: A modelo descalza
» Escritor/a:
   Jordi Sierra i Fabra
» Tradutor/a:
   Ramón Nicolás Rodríguez

» Ed. Galaxia,
» Ano: 2011
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Costa Oeste
» Pax: 240
» ISBN: 978-84-9865-364-9