Pequena lúa Escritor/a: Elzbieta
Ilustrador: Elzbieta
Tradutor/a: Sandra Hombreiro

Ed. Kalandraka Editora,
2011 | Infantil-Xuvenil

“Pequena Lúa” reflicte como é o carácter dos nenos nos seus primeiros anos, cando as palabras empezan a agromar na súa boca, cando desenvolven os sentidos e a percepción do mundo que os rodea, cando queren chamar a atención dos demais ante aquilo que a eles mesmos lles chama a atención, cando comezan a amosar unha enerxía rebordante e son incansables.
Antes de que poida asimilar que o día se divide en mañá, tarde e noite, e que hai un tempo para xogar, pero tamén un tempo para descansar, Bubú fíxase na lúa. Actúa por repetición, tanto cos seus xestos como coas súas palabras; é a súa maneira incipiente de comunicarse e expresarse,independentemente de que os demais poidan seguir ou non o seu ritmo. As ovellas, o parrulo, o elefante, o canguro ou o moucho completan esta fábula tenra e fermosa.
Ao igual que no álbum desta mesma autora titulado “Onde van os bebés?”, editado tamén por KALANDRAKA, as ilustracións reforzan o carácter entrañable da historia, con debuxos de tons suaves a base de lapis de cor e acuarela, sobre un papel de textura vexetal, moi adecuado para crear un ambiente doce e envolvente.
[Presentación editorial]

» Título: Pequena lúa
» Escritor/a:
   Elzbieta
» Escritor/a:
   Elzbieta
» Tradutor/a:
   Sandra Hombreiro

» Ed. Kalandraka Editora,
» Ano: 2011
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Tras os montes
» Pax: 32
» ISBN: 978-84-8464-757-7