O que Darwin non previu Escritor/a: Alba Payo Froiz

Ed. Urco Editora,
2010 | Narrativa

Unha pequena vila vive rodeada polo exército, que ten como misión impedir por todos os medios que os poboadores saian dos límites do cerco imposto. O motivo? Os habitantes sofren unha enfermidade que mata a case a totalidade dos que a padecen e, aqueles que sobreviven, gañan distintos poderes inesperados e incontrolábeis. O medo esténdese e as comunicacións co exterior acaban por cortarse do todo, polo que o nerviosismo vai medrando aos poucos. A necesidade dun líder vólvese imperiosa e Ero, o único doutor que segue en funcións na vila, ten que tomar difíciles decisións polo benestar da súa cidade mentres intenta resolver o que é o que está a pasar e o que pode facer para salvar á minguante poboación.
Esta historia, unha trepidante historia postapocalíptica onde nada é o que parece e os protagonistas deben chegar até o límite para poder sobrevivir, é a primeira obra de Alba Payo Froiz e con ela inaugúrase a Colección Alcaián, onde se publicará a narrativa dos autores noveles galegos.
[Presentación editorial]

» Título: O que Darwin non previu
» Escritor/a:
   Alba Payo Froiz

» Ed. Urco Editora,
» Ano: 2010
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Alcaián
» ISBN: 978-84-938121-3-3