O meu amigo Álex Escritor/a: Mikel Gurrutxaga
Ilustrador: Maite Gurrutxaga

Ed. Faktoría K de libros,
2010 | Infantil-Xuvenil

O amigo imaxinario é un tema frecuente na literatura infantil e xuvenil. No caso da protagonista deste relato, combate os momentos de soidade e canaliza a expresión dos seus sentimentos. Pero a fiel presenza deste compañeiro mudo comeza a diminuir segundo Isabel se vai integrando nun novo círculo de amizades con outros rapaces e rapazas. Álex deixará de facerlle tanta compaña e irase convertendo nun grato recordo da nenez. “O meu amigo Álex” gañou a IV Beca Etxepare 2010 ao mellor proxecto para a creación dun álbum infantil en éuscaro, convocada por varias entidades locais e comarcais de Navarra, a través dos seus Servizos de Euskera. O xurado, formado polos escritores Miren Agur Meabe e Patxi Zubizarreta, e os ilustradores Aitziber Alonso e Mikel Valverde, destacaron desta obra o seu “encanto especial, coa marabillosa fusión entre o texto e a ilustración”, que destaca pola súa calidade estética, a súa linguaxe poética e o enfoque cinematográfico das imaxes.

» Título: O meu amigo Álex
» Escritor/a:
   Mikel Gurrutxaga
» Ilustrador:
   Maite Gurrutxaga

» Ed. Faktoría K de libros,
» Ano: 2010
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Pax: 32
» ISBN: 978-84-96957-93-0