Que bonito é Panamá! Escritor/a: Janosch
Tradutor/a: Dolores Romay

Ed. Kalandraka Editora,
2010 | Infantil-Xuvenil

A vida de pequeno oso e pequeno tigre experimenta unha viraxe cando, aboiando no río, aparece unha caixa que vén de Panamá e que arrecende a plátano. Dende entón, Panamá convértese no país dos seus soños e por iso deciden iniciar unha longa viaxe para chegar alí. Cunha tarteira vermella, unha cana de pescar e un pato-tigre de xoguete, emprenden un camiño no que coñecerán un rato de campo, un vello raposo, unha vaca, un corvo, unha lebre e un ourizo. Tras un primeiro periodo no que a obra de Janosch ten un trasfondo político asociado ao contexto histórico da época, “Que bonito é Panamá!” marca o comezo dunha segunda etapa na que, historias como esta, protagonizada por animais humanizados, enxalzan o valor da amizade. Panamá é o particular locus amoenus de tigre e oso, e a súa viaxe idílica na procura dese lugar está relacionada coa madurez, a aventura cotiá e o descubrimento de novas emocións. Cunhas ilustracións alegres e coloristas, clásicas e planas, de estilo infantil, este entrañable relato de Janosch destila humor e deixa un pouso sentimental de optimismo e inocencia, cun inesperado final que colma as expectativas dos personajes.
[Presentación editorial]

» Título: Que bonito é Panamá!
» Escritor/a:
   Janosch
» Tradutor/a:
   Dolores Romay

» Ed. Kalandraka Editora,
» Ano: 2010
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Tras os montes
» Pax: 52
» ISBN: 978-84-8464-721-8