A natureza humana: xustiza versus poder Tradutor/a: Enrique Sánchez
Escritor/a: Michel Foucault
Escritor/a: Noam Chomsky

Ed. Editorial Trifolium,
2010 | Ensaio e Investigación

En novembro de 1971, a televisión holandesa transmitiu un diálogo entre Noam Chomsky e Michel Foucault, moderado por Fons Elders, que se inscribía na serie de encontros organizados polo International Philosophers Project. Xa na presentación do encontro, e anticipando o que posiblemente ocorrería, Elders caracterizou os opoñentes como “dous obreiros que estivesen perforando un túnel nunha montaña, cada un desde un lado oposto, con instrumentos diferentes, e sen saber se se encontrarán”. En efecto, se ben as preocupacións dos dous intelectuais eran coincidentes en moitos aspectos, tanto nas ferramentas filosóficas coas que abordaban o seu traballo como nas conclusións á que os levaban as súas investigacións eran radicalmente distintas e, en moitos casos, francamente contraditorias. O debate levouse a cabo en dúas partes. A primeira, de carácter máis ben filosófico, permitiu a cada un desenvolver as súas respectivas posturas e delimitar o campo dos seus intereses. A segunda, máis nidiamente política, converteuse nun verdadeiro dó de argumentos no que se expresarían, con non menos intelixencia que acedume, fortes diverxencias. O traballo que presentamos é un extraordinario modelo de intercambio intelectual, unha posta en perspectiva das estratexias de pensamento de Chomsky e de Foucault e un magnífico documento do encontro entre dúas das figuras máis importantes da filosofía.
[Presentación editorial]

» Título: A natureza humana: xustiza versus poder
» Escritor/a:
   Enrique Sánchez
» Escritor/a:
   Michel Foucault
» Escritor/a:
   Noam Chomsky

» Ed. Editorial Trifolium,
» Ano: 2010
» Xénero: Ensaio e Investigación
» IBIC: DNF - Ensaios literarios
» Coleccion: Musa pedestris
» Pax: 133
» ISBN: 978-84-937591-5-5