A rocha imantada Escritor/a: Xavier Seoane

Ed. Edicións Laiovento,
2009 | Poesía

O presente libro recolle longos anos de creación aforística. O seu autor xa se estreara, no mesmo xénero, con Irispaxaros / Ara Cotiá, en 1984, así como coa carpeta de artista Irispaxaros, unha edición reducida e numerada de aforismos e gravados realizada sobre papel arches e acetato transparente en colaboración co artista Manuel Facal.
O aforismo é unha iluminación. Un pequeno cruxol. Un bisturí verbal. Unha vaga secreción dese licor descoñecido que a todos, maxicamente, nos vai caendo da maleta do destino ou da mesa braseiro da vida.
Como é posíbel que, nun tempo tan vertixinoso como o presente, non estea máis difundido un xénero tan áxil, que aspira á expresión das cousas dunha maneira sintética e rápida?
Goethe comentaba: "Qué froito, o máis pequeno espazo se é coidado con tacto."
E Lao Tsé: "Intenta o difícil no fácil. Realiza o grande no miúdo."
Porque talvez todo o que é exacto é curto. Como o soño do aforismo. Ou o da vida.
[Presentación editorial]

» Título: A rocha imantada
» Escritor/a:
   Xavier Seoane

» Ed. Edicións Laiovento,
» Ano: 2009
» Xénero: Poesía
» CDU: 82-1=134.4
» IBIC: DC - Poesía
» Coleccion: Aforismos
» Pax: 107
» ISBN: 84-8487-171-1