Á demanda do berce infalíbel de Cristovo Colón Escritor/a: Loreta Lontra

Ed. Baía Edicións,
2010 | Narrativa

A crenza máis estendida di que Cristovo Colón era de Xénova, aínda que moitas voces disidentes o pretenden corso, grego, catalán, balear, portugués, galego e mesmo escandinavo.
Unha autoridade universitaria encomenda a Loreta un informe exhaustivo e actual que esclareza o enigma. Como o asunto non lle importa nada, traballa desde unha posición escéptica, mesmo cínica, para ir desmontando por absurdas, sistematicamente, unha por unha, todas as teorías, incluída a xenovesa. A pescuda lévaa a Italia, Córsega, Grecia, Poio, Lisboa... Neses lugares experimenta a sensación incomprensíbel de que a seguen, que alguén a espía.
Novela con pretensións de ensaio? Un ensaio baixo a aparencia dunha novela? Enmascara se cadra a crónica dunha viaxe verdadeira... Á demanda do berce infalíbel aparenta tratar sobre o lugar de nacemento do navegante; moito máis ca iso, é unha reflexión sobre o método científico.
A conclusión final do enigma ten máis de sorprendente que de inverosímil.
[Contracapa do libro]

» Título: Á demanda do berce infalíbel de Cristovo Colón
» Escritor/a:
   Loreta Lontra

» Ed. Baía Edicións,
» Ano: 2010
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Baía Narrativa
» Pax: 192
» ISBN: 978-84-92630-46-2