Elexías do Camba Escritor/a: Xosé Lois Rúa

Ed. Espiral Maior,
2003 | Poesía

Gran parte da historia ancestral da aldea ourensá de Campobecerros (Campos, Cambalán. ..) quedou mergullada hai agora vintecinco anos baixo as augas do encoro das Portas. As feridas sociais, culturais e económicas foron ostensibles e aínda hoxe son detectables, porque co mellor da súa pradaría desapareceron tamén os xeitos de vida tradicionais e un bo anaco da súa cultura centenaria.
Pero aínda nos queda o arrecendo do rio Camba, do parque natural do Invernadeiro ou do Alto de Pena Nofre, e as pegadas que deixaron os peregrinos da Ruta da Prata, e máis tarde os segadores galegos que ían a Castela. E tamén o arrecendo da suor que deixaron as mans dos labregos, gandeiros, carboeiros, plantadores de piñeiros, traballadores da vía e os emigrantes que desfilaron pola historia de Campos durante os últimos mil anos.
E non queremos perdelos nunca máis, porque é o único que nos queda.
Por eso os miramos hoxe con nostalxia, e tal vez cun pouso de ira (e perdón por eso ), dende ese primeiro escenario que viron os meus ollos de neno, chamado Penaboa, que dorme placidamente á beira do turbillón invernal do Camba.
Pero moitas cousas desapareceron, engulidas nas augas neste cuarto de século.
Para sempre. Por eso, estas Elexías do Camba.(Premio Cidade de Ourense de Poesía no ano 2001).
[nota do autor]

» Título: Elexías do Camba
» Escritor/a:
   Xosé Lois Rúa

» Ed. Espiral Maior,
» Ano: 2003
» Xénero: Poesía
» CDU: 82-1=134.4
» IBIC: DC - Poesía
» Coleccion: Espiral Maior Poesía
» Pax: 144
» ISBN: 84-95625-79-2