A morte dun editor Escritor/a: Vicente Piñeiro González

Ed. Sotelo Blanco,
2009 | Infantil-Xuvenil

Cando Lola chega a Santiago de Compostela para matricularse na facultade de Historia, ignora os misterios que a cidade sartego lle ten reservados. Serán esas rúas de astros que gardan os segredos dun tempo que foi, onde a protagonista de A morte un editor se descubra a si mesma, a través de dúas vivencias, a do primeiro amor –como tropel de sentimentos confusos, desexo, ansia, paixón, compromiso e unión de dúas liberdades individuais-, pero tamén a vivencia de algo máis profundo e irreversible: a vocación literaria. Así, unha Lola ávida de coñecemento enfrontarase á investigación e descuberta do que foron aqueles derradeiros días da República na cidade de pedra tras o levantamento fascista e, sobre todo, o brutal asasinato do entón alcalde e tamén editor Ánxel Casal. Logo deste axuste de contas coa verdade histórica, unha nova Lola agroma, e a persoa que agora é sabe que non hai regreso posible, pois abriu unha porta que endexamais poderá volver pechar.
[Presentación editorial]

» Título: A morte dun editor
» Escritor/a:
   Vicente Piñeiro González

» Ed. Sotelo Blanco,
» Ano: 2009
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: DocexVintedous
» Pax: 100
» ISBN: 978-84-7824-574-1