A máscara do león Escritor/a: Margarita del Mazo
Ilustrador: Paloma Valdivia

Ed. OQO,
2009 | Infantil-Xuvenil

Unha noite, Papá León foi visitar o picapau e encargoulle unha máscara lixeira como unha pluma, fría como o odio e vermella como a ira.

O paso á idade adulta do chamado a ser Reí da sabana é usado por Margarita del Mazo como unha alegación contra clixés, convencionalismos e estereotipos. Consecuentemente, este álbum convértese nunha crítica ás vidas rexidas sobre todo polo que os demais esperan dun, e alerta sobre a enorme infelicidade que provoca a dificultada de acadar algo tan simple, e paradoxalmente tan complicado, como ser un mesmo.

A organización cromática (vermellos, amarelos, azuis) das ilustracións de Paloma Valdivia reforza a localización xeográfica da historia e a súa carga dramática, o que non é incompatible coa idoneidade dunhas caras que acentúan o carácter positivo e alegre dos protagonistas, para converter as iraxes nun solvente complemento da carga narrativa do texto.

O traballo da ilustradora chilena destaca tamén polo alto grao de iconicidade dos personaxes, significativo no caso dos secundarios e en perfecta simbiose co dominio dos que ocupan os primeíros planos, que nos deleita con estilizados esquematismos gráficos e unha figuración tan persoal como recoñecible.
[Presentación editorial]

» Título: A máscara do león
» Escritor/a:
   Margarita del Mazo
» Ilustrador:
   Paloma Valdivia

» Ed. OQO,
» Ano: 2009
» Xénero: Infantil-Xuvenil
» CDU: 82-93=134.4
» IBIC: YF - Ficción e historias reais infantís e xuvenís
» Coleccion: Colección O
» Pax: 48
» ISBN: 978-84-9871-159-2