Decrúa (III Premio de Poesía Fiz Vergara Vilariño) Escritor/a: Estevo Creus

Ed. Espiral Maior,
2003 | Poesía

"Decrúa" é un libro inquietante, pertubador, que podemos encravar no que hoxe se entende por estupor da persoa diante da súa conciencia dividida, que o mundo reflecte. O mundo non é senon espello dese desgonzamento interior e eu sinto nestes versos -tal como o poeta obsesivamente repite-, o espanto do que se esvae, do que é dificilmente comunicábel cun único alfabeto recoñecíbel e, xa que logo, a visión dun mundo descabalado e absurdo. Non nos enfrontamos, con todo, cunha poesía existencial, tal como se entendía en épocas xa pasadas, non é angustia da existencia o que eu leo aquí, senón máis ben a lúcida convicción de habitar un ser desposuído de linguaxe e de capacidade de xesto, sexa este creativo ou amoroso.
[fragmento do Epílogo de Xavier Rodríguez Baixeras]

» Título: Decrúa (III Premio de Poesía Fiz Vergara Vilariño)
» Escritor/a:
   Estevo Creus

» Ed. Espiral Maior,
» Ano: 2003
» Xénero: Poesía
» CDU: 82-1=134.4
» IBIC: DC - Poesía
» Coleccion: Espiral Maior Poesía
» Pax: 76
» ISBN: 84-95625-76-8