Ancoradoiro. Obra poética (1983-2003) Escritor/a: Xosé María Álvarez Cáccamo

Ed. Espiral Maior,
2003 | Poesía

Logo de varias décadas de navegación, fondeo hoxe Con toda a miña frota no ancoradoiro do principal asteleiro poético do país, a factoría naval que goberna con singular entrega e acerto Miguel Anxo Fernán-Vello. Do seu porto zarpan desde hai doce anos os mellores enxeños oceánicos de Galiza, considerados entre os máis seguros de Europa.
Con esta garantía de navegabilidade, ancoro no peirao de Espiral Maior, símbolo marítimo dunha onda creativa sempre recomezada, para reparar as rotas da miña memoria, calafatear cubertas, asentar o armazón e facer balance de ventos e rumbos. Na actual arribada dispóñome a unha nova singradura, a reunión dos meus libros de poesía publicados até hoxe. Os traballos de reparación consistiron sobre todo en soltar o lastre dalgúns versos innecesarios e unificar criterios gráficos, labor para o que contei coa axuda do poeta Xavier Vásquez Freire, a quen agradezo a colaboración e felicito pola agudeza do seu ollo clínico.
[nota do autor]

» Título: Ancoradoiro. Obra poética (1983-2003)
» Escritor/a:
   Xosé María Álvarez Cáccamo

» Ed. Espiral Maior,
» Ano: 2003
» Xénero: Poesía
» CDU: 82-1=134.4
» IBIC: DC - Poesía
» Coleccion: Espiral Maior Poesía
» Pax: 419
» ISBN: 84-95625-83-0

» Crítica: Romper o monolito