Do sentimento á conciencia de Galicia Correspondencia (1961-1984) Escritor/a: Ramón Piñeiro
Escritor/a: Basilio Losada castro

Ed. Xunta de Galicia, Galaxia,
2009 | Clásicos

Publícase íntegra a correspondencia cruzada entre Ramón Piñeiro e Basilio Losada durante máis de vinte anos. O libro, titulado Do sentimento á conciencia de Galicia, é unha publicación realizada por Editorial Galaxia en colaboración coa Consellería de Cultura da Xunta de Galicia e recolle un total de 453 cartas en máis de 1000 páxinas. A edición dos textos correu a cargo das profesoras María Xesús Lama e Helena González.

A través desas cartas pódense coñecer polo miúdo os proxectos desenvolvidos polos grupos galeguistas durante a ditadura, a incorporación dos estudos de galego nas universidades de Compostela e Barcelona, a galeguización do Centro Galego de Barcelona, os avances no recoñecemento da lingua a nivel institucional e popular e as revoltas contra o réxime franquista.

O libro constitúe un epistolario excepcional, que sobarda o carácter privado para constituír un pormenorizado testemuño dun longo período da historia galega vista e vivida por dous intelectuais comprometidos cunha idea de dignificación de Galicia. Desde Compostela, Piñeiro actúa como mestre e amigo, editor e dinamizador do galeguismo; en Barcelona, Basilio Losada segue o decorrer das novidades que atinxen o galeguismo, intervén nas actividades da clandestinidade, actúa como mediador entre a cultura galega e a catalá.
[Presentación editorial]

» Título: Do sentimento á conciencia de Galicia Correspondencia (1961-1984)
» Escritor/a:
   Ramón Piñeiro
» Tradutor/a:
   Basilio Losada castro

» Ed. Xunta de Galicia, Galaxia,
» Ano: 2009
» Xénero: Clásicos
» Coleccion: Memoria
» Pax: 1168