O espertar da conciencia galega Escritor/a: Ramón Piñeiro
Editores/as literarios: Henrique Monteagudo Romero

Ed. Galaxia,
2009 | Clásicos

Velaquí un novo volume da Biblioteca Ramón Piñeiro, na que Editorial Galaxia reúne as obras do pensador homenaxeado no Día das Letras Galegas de 2009. Desta volta trátase dun libro no que se recompilan, en edición do profesor Henrique Monteagudo, textos de Ramón Piñeiro seleccionados con dous criterios: o tema e o tempo. Ensaios breves, prólogos, conferencias e discursos, e artigos que permanecían dispersos e que, por primeira vez, se publican conxuntamente en O espertar da conciencia galega.

Nos textos de Ramón Piñeiro incluídos neste libro “gurgullan as ideas e interpretacións, adoito orixinais e faiscantes dunha mente dotada dunha intelixencia fulgurante, dunha extraordinaria capacidade para a reflexión, dunha amplitude de coñecementos sobre os temas que toca e agudeza de visión verdadeiramente sen par”, segundo escribe Henrique Monteagudo no limiar.
O tema que dá unidade ao libro é a cultura galega nas súas diversas facetas, e máis especificamente, a cultura galega coetánea a Piñeiro. Aproximadamente desde 1950 a 1985. A reflexión sobre a cultura galega constituíu unha das súas principais tarefas intelectuais de Ramón Piñeiro, inseparable da súa propia acción no mesmo ámbito, as dúas de grande importancia no discorrer da historia de Galicia na segunda metade do século XX.
[Presentación editorial]

» Título: O espertar da conciencia galega
» Escritor/a:
   Ramón Piñeiro
» Escritor/a:
   Henrique Monteagudo Romero

» Ed. Galaxia,
» Ano: 2009
» Xénero: Clásicos
» Coleccion: Literaria
» Pax: 392