O corazón do negror Escritor/a: Joseph Conrad
Tradutor/a: Eva Almazán García

Ed. Faktoría K de libros,
2009 | Narrativa

Marlow, un veterano mariñeiro inglés, recibe a encarga de ir á procura de Kurtz, un tratante de almafí perdido no corazón da selva africana. O encontro con el será a confirmación da farsante actitude colonialista, poñendo en tea de xuízo o seu caracter de cruzada moral e comercial.

Estamos no Congo belga, en plena colonización europea, e Marlow relátanos como remonta o río Congo nun barco vello, rodeado de perigos, internándose nun continente virxe e obxecto de rapiña. Marlow obsesiónase con aquel home, desaparecido no remoto. Mais, quen é Kurtz?

"O corazón do negror" é unha narración autobiográfica; a crónica dunha viaxe física e psicolóxica ao interior da irracionalidade humana, inspirada nos seis meses que Conrad pasou no Congo colonizado e devastado polo rei Leopoldo II de Bélxica. O autor móstranos sen maquillaxe a corrupción e o horror. O máis célebre relato curto de Joseph Conrad, convertido en libro de culto, foi escrito en 1899 e publicouse en 1902. Converteuse axiña nunha novela imprescindible, que amosa a hipocrisía colonialista, a escuridade do ser humano, e que cuestiona a civilización occidental.

A obra inspiroulle a Francis Ford Coppola unha das súas grandes obras cinematográficas, "Apocalypse Now". Aínda que está ambientada na guerra de Vietnam, con Marlon Brando interpretando o papel de Kurtz, a película mantiña o espírito do relato de Conrad.
[Presentación editorial]

» Título: O corazón do negror
» Escritor/a:
   Joseph Conrad
» Tradutor/a:
   Eva Almazán García

» Ed. Faktoría K de libros,
» Ano: 2009
» Xénero: Narrativa
» CDU: 82-3=134.4
» IBIC: F - Ficción e temas afins
» Coleccion: Narrativa K
» Pax: 144
» ISBN: 978-84-96957-62-6